mia wuin kan ruaß

bist derisch
i hob da gsogt
mia wuin di net
du passt net her zu uns
mit deine hoa
und mit dein gschau 
du wüst ja nur a göd
und unsre fraun verzahn
nix hackeln
oba messerstechen
und oiwei nur der oame sein
und oiwei irgendwos no wuin
und oiwei extrawiaschtl sein
und oiwei nix wia scherereien
des kemma do net brauchen
und nie wüst in die kirchn gehn
nie wüst auf da stroßn griaßn
nie aufd nocht a rua net gebm
nie wüst fia dei bledheit biaßn
und deitsch kannst ah net
wia wüstn do die hymne singen
in spurttei vo da zeidung schnoin
und in inspekta seine tetschn zöhn
wannst goa net waaßt wiast haaßt
i sogs zan letzten moi
mia brauchn kaan der wos wos braucht
jetz schleich di scho amoi
zah o
geh endlich ham
bevua ma rabiat werdn miassn